سامح خطاب
ناشدت سيدة وبناتها وزارة الداخلية، بعد الاعتداء عليهن، من قبل مسن وابنه بلطجي الطالبية حسب استغاثة تقدمن بها.
وحصلت “بوابة الجريمة” على نص استغاثة الأسرة، والتي جاء فيها أنهن تعرضن للاعتداء على يد مسن وابنه “بلطجي الطالبية”.
وتقول الاستغاثة: حضرتك أنا وإخواتى البنات وماما كنا راجعين من وسط البلد بالعربية واحنا فى شارع العروبة عند قهوة ليالي الحلمية، ماما وقفت العربية عشان تنزل اختى وتديها شنطتها وتروح، واحد كبير فى السن قاعد على القهوة زعق فى ماما وقالها يالا متركنيش هنا، ماما قالتله يا حاج أنا هدي للبنت الشنطة وهمشي، شتم ماما وغلط فيها، برد عليه وبقوله خليك محترم هى معملتلكش حاجه شتمني أوسخ شتايم أنا وماما واخواتى البنات.
الأم خدت 8 غرز في دماغها.. سيدة وبناتها يستغثن بـ الداخلية من “بلطجي الطالبية” بعد الاعتداء عليهن
وتابعت: ضرب ماما بالقلم ولقينا ولاده الرجالة نزلو من البيت موتونا ضرب بالسنج والسكاكين، وعوروا ماما فى راسها ٨ غرز، وشدوا منها النقاب وقلعوها العباية، واخواتى ماتوا وشدوا شعرهم وضربوهم بالأقلام والسكاكين على راسهم، والأطفال ولادنا وقعوا على الأرض وجريوا ورانا في الشارع وكسروا عربية ماما”.
وأكملت: إحنا اتبهدلنا واتمسح بكرامتنا الأرض في الشارع ووسط الناس ومحدش قدر حتى يقولهم انتم ازاى تعملوا كده في حريم، حضرتك احنا عايزين حقنا حرام اللى حصل فينا ده احنا عايشين فى مصر بلد الأمن والأمان مش عايشين فى غابة، وماما عملت محضر في قسم الطالبية ببهدلتها دي وضربها وفتح دماغها 8 غرز وتكسير عربيتها بس محدش فى الشارع كله راضى يدينا تصوير الكاميرات، عشان تشوفو اللى حصل فينا إحنا عايزين حقنا وانتم اللى بتحمونا وبتجيبوا حق الناس من البلطجيه دول.
وحمل المحضر الذي حررته الأسرة، رقم ١١٤٥٣ قسم الطالبية.
