قال شقيق إحدى الطالبات في حادث طريق الجلالة، إن سائق الأتوبيس لم يكن في حاة سكر عند وقوع الحادث.
السواق قصد يقلب الأتوبيس.. مصابة في حادث الجلالة: كان عارف هو بيعمل إيه
وكتب عبر “فيس بوك”، أنه طلب منهم الإمساك بقوة في الأتوبيس، لأنه سيقلبه على أحد جانبيه لتجنب كارثة أكبر.
وقال: “الحمد لله بعد أكتر من 22 ساعة رجعنا البيت وشقيتي دينا معانا الحمد لله كويسة وبخير نحمد ربنا، علشان أبرئ ذمتي من ربنا فيه ناس بيحاولوا يشيّلوا السواق الموضوع علشان يحافظوا على نفسهم، من خلال كلام أختي السواق كان طبيعي ومكنش ماشي بالسرعة الجنونية اللي بيقولوا عليها”.
وتابع: “كل اللي حصل إنهم وهما في الطريق شموا ريحة شياط في الباص، ولما حاولوا يقولوا للسواق السواق كان بينكر علشان ميسببش حالة ذعر بينهم”.
وأكمل: “لكن لما السواق حاول يدوس فرامل علشان يعرف يدخل الملف الفرامل فصلت منه، وكان قدامه حل من اتنين، إما مش هيعرف ياخد الملف بسرعة دي ويقع من على الجبل، أو إنه يقلب الأتوبيس على الجنب التاني علشان ميقعوش وده اللي حصل”.
وشدد في حديثه: “قبل ما يقلب الباص نده على كل اللي في الباص، وقالهم امسكوا كويس علشان هنقلب الباص على الجنب البعيد عن الجبل، وكان لازم الموضوع ده يتحكي بالتفصيل، لأنها كل ما تحصل حادثة التفاصيل ما بتبقاش كاملة، وخصوصًا بعد خبر إن السواق كان بيتعاطى مخدرات، لكن السواق كان باين في حالة طبيعية”.
