كتب: سامح خطاب
حصلت “بوابة الجريمة” على استغاثة من إحدى السيدات تناشد من خلالها حمايتهم من شخص يدعى “عبد العزيز. م” وشهرته “أوشا”.
وجاء نص الرسالة كالآتي:
“دلوقت فى شاب اسمه “عبد العزيز .م.” والشهرة “أوشا” كان متجوز بنت عندنا في العمارة وطلقها بس للأسف الوالد دا مدمن مخدر اسمه “أيس“.
ترويع وسرقة
وأضافت صاحبة الاستغاثة: “الولد مبهدلنا رعب والترويع والسرقة.. أنا مش بقعد في شقتي كتير وتقريبًا هو عارف فحاول يسرق الشقة عندي ويفتح الباب بس الكالون عندي كمبيوتر وللأسف باظ وبسبب كدا اتحبست أنا وولادي جوا واتصلت بالنجدة وطبعا اتحبست لحد ما الشرطهة وصلت وكسرت الباب وسرق الأوكر النحاس من العمارة كلها.. غير فوق السطوح والتكييفات وللأسف الصبح جري ورا ابني يقوله أنت أمك عملت لي محضر استنوا عليّ ولازم تقعدني مع أمك”.
هلوسة مخدر الأيس
وتابعت المتضررة: “أنا ست منفصلة وعايشة في حالي أنا وولادي الأطفال وفعلاً في حالة رعب كامل خصوصًا بعد اللي قريته عن هلوسة المخدر دا هابعت لحضرتك فيديو اتصور له وهو بيسرق من فوق السطوح هو لسه في الشارع ولا همه أي حاجة وعملت محضر رقمه 6567 2/ 6/”.
أرجوكم أنقذوا الشباب
وواصلت ربة المنزل صاحبة الاستغاثة: “أنا بطلب حماية أولادي ومعلومة لحضرتكم المنطقة كبيرة فيها عدد سكاني وقسم دار السلام ليل ونهار في الشارع بس مخدر الأيس منتشر جدًا.. أرجوكم أنقذوا الشباب”.
