ظهرت الفتاة خديجة خالد، المعروفة إعلاميا بـ ضحية الشيخ صلاح التيجاني، في منشور جديد عبر حسابها على فيس بوك، قائلة:” الحمد لله أنا أحسن بكتير وشكرا علي كل الدعم اللي انتوا قدمتهولي وأنكم وقفتوا جمبي، وشكرا لكل البنات الشجعان اللي بعتولي واتكلموا وقرروا يواجهوا ويشهدوا بالتــحــرش اللي اتعرضوا ليه سواء من وقت قريب أو من سنين كتير.
حابة أطمنكم ولو فيه أي بنت حابة تحكي وتتكلم تبعتلي ونتواصل مع مؤسسة قضايا المرأة، وهما ياخدوا الإجراءات اللازمة ويحمونا أننا نتعرض لحاجة زي كدة تاني، أنا فخورة جدًا بكل البنات الكتير اللي بعتولي واللي قدروا يقهروا خوفهم ويتكلموا وأنا كنت مجرد سبب بسيط ربنا جعله باب لناس كتير تتكلم ويقدروا ياخدوا حقهم وكلنا ثقة في القضاء وإن شاء ربنا معانا وينصرنا”.
